काठमाडौँ, १९ मंसिर । तेह्रौँ दक्षिण एशियाली खेलकूद (साग)मा पाँचौँ दिनसम्म आइपुग्दा भारत पदक तालिकाको अग्र स्थानमा उक्लिएको छ । नेपाल दोस्रो स्थानमा छ ।

भारतले वुधबारसम्म ५८ स्वर्ण, ४१ रजत र १९ कास्यसहित कूल ११८ पदक जितेको छ । नेपालले ३६ स्वर्ण, २६ रजत र ३४ कास्यसहित कूल ९६ पदक प्राप्त गरेको छ ।

यस्तै श्रीलङ्का १६ स्वर्ण, ३१ रजत र ५२ कास्यसहित तेस्रो, पाकिस्तान १२ स्वर्ण, २१ रजत र २२ कास्यसहित चौथो, बङ्गलादेश चार स्वर्ण, १० रजत र ४० कास्यसहित पाँचौँ, माल्दिभ्स एक स्वर्ण र दुई कास्य जित्दै छैटौँ तथा भुटान छ कास्यसहित पदक तालिकाको अन्तिम स्थानमा छ ।

नेपालले आज साइक्लिङ, भारोत्तोलन, पौडी, तेक्वान्दो र उसुमा गरी थप सात स्वर्ण पदक जितेको हो ।

साग पदक तालिका

देश                 स्वर्ण             कास्य              रजत               जम्मा
भारत                  ५८                 ४१                  १९                 ११८
नेपाल                   ३६                २६                  ३४                  ९६
श्रीलङ्का                  १६                ३१                  ५२                  ९९
पाकिस्तान             १२                २१                   २२                  ५५
बङ्गलादेश               ४                 १०                  ४०                   ५४
माल्दिभ्स                 १                    ०                    २                    ३
भुटान                      ०                    ०                    ६                    ६