शुक्रबार, असोज ३ २०७६
काठमाडौं १४:०९
वासिङटन डिसी 04:24

डेंगु नियन्त्रणका लागि महानगरको चेतना कार्यक्रम

इनेप्लिज २०७६ भदौ २४ गते ११:०९ मा प्रकाशित

काठमाडौं, २४ भदौ । काठमाडौँ महानगरपालिका वडा नम्बर–२१ ले मंगलबार डेंगु नियन्त्रणका लागि जनचेतना र्याली गरेको छ ।

काठमाडौँ महानगरपालिकाका प्रमुख विद्यासुन्दर शाक्य, संघीय सांसद् कृष्णगोपाल श्रेष्ठ, प्रदेश सांसद् डाक्टर अजयक्रान्ति शाक्यलगायतको अगुवाईमा सो वडाले डेंगु न्युनिकरणका लागि जनचेतना र्यालीको आयोजना गरेको हो ।

‘टोल–टोलबाट उठौँ, गल्ली–गल्लीबाट उठौँ, डेंगुविरुद्ध सर–सफाईमा जुटौँ, सबै मिलेर लडौँ’, ‘धनी गरिब केही भन्दैन डेंगु हो डेंगु’लगायतका प्लेकार्ड बोकेर लगनटोलबाट सुरु भएको र्यालीले भोटेवहाल, सुन्धारा, जैसीदेवललगायतका स्थानको परिक्रमा गरेको थियो ।

र्यालीपछि संक्षिप्त कुराकानी गर्दै मेयर शाक्यले डेंगु न्युनिकरणका लागि यस्ता जनचेतनामुलुक अभियान ३२ वटै वडामा सञ्चालन गर्ने जानकारी दिए ।

‘डेंगु अहिले भयावह बन्दै गएको अवस्थामा महानगरपालिकाले न्युनिकरणका लागि पहल थालेको छ,’ मेयर शाक्यले भने,‘यस्तो जनचेतानामुलक काम यो वडामा मात्रै सिमित हुनुहुँदैन महानगरभित्रका ३२ वटै वडामा हामीले न्युनिकरणको प्रयास थालेका छौँ ।’

अहिले यसलाई कसरी रोकथाम गर्ने भन्ने विधि नै नभएकाले न्युनिकरणको प्रयासमा महानगरपालिका लागेको पनि बताए ।

‘डेंगुबाट बच्ने उपायका बारेमा महानगरवासीलाई जानकारी दिनका लागि पनि यो अभियान चलाएका हौँ,’ उनले भने,‘केन्द्र र प्रदेश सरकारसँग पनि छलफल गरेर हामी अझ प्रभावकारी ढंगले अघि बढ्छौँ ।’

२१ वडाका वडाध्यक्ष उदय चुडामणि बज्राचार्यले पनि यो अभियानलाई प्रभावकारी रुपमा अघि बढाउने प्रतिवद्धता व्यक्त गरे ।

‘वडा नम्बर २१ सफाई मजदुरको बसोबास भएको क्षेत्र पनि हो,’ उनले भने,‘त्यसैले अन्य क्षेत्रमा भन्दा यो क्षेत्रमा बढी जनचेतनामुलुक अभियान चलाउनु पर्ने भएकाले हामीले यो अभियान चलाएका हौँ ।’

प्रतिक्रिया