विजय थापा ,अमेरिकाको न्यु योर्कमा नेपाली महिला साँझ भव्यताको साथ सम्पन्न भएको छ । नेपाली महिला साँझ सन् २०१२ देखि सुरुवात गरिएको आयोजकले जनाएका छन् । हरेक बर्ष नया अवधारणा र नया सोच साथ आई महिलाहरुले महिला साँझ कार्यक्रम मनाउदै आएका छन् ।

यस पटक फेशन तथा र्याम्प (भेषभुषा )प्रस्तुति को गरिएको थियो । कार्यक्रम पूर्ण रुपमा गैर राजनैतिक ,गैर धार्मिक ,गैर जातीय हो भने महिला द्वारा महिलाको लागि आयोजना गरिएको थियो ।

दुई सय ५० भन्दा ज्यादा महिलाहरुको सहभागिता रहेको थियो । यसको संयोजन मुना राई गुरुङ लगायत समितिमा निमा गुरुङ ,मिरा गुरुङ ,करुणा शर्मा तथा चित्रा गुरुङ गरेका थिए ।

यसै बिच नेपाली महिला साँझ लाई जर्सी सिटि काउन्सिल (परिषद ) का अध्यक्ष रोलान्ड़ो लाभारोले छैठौ बर्ष सम्म निरन्तर संचालन गरि मानवीय सहयोग र नेपाली नारीहरुको सशक्तिकरण गर्नमा योगदान पुर्याएको उच्च कदार गर्दै सम्मान गरेको थियो । उक्त सम्मान जर्सी सिटि नगर प्रमुख कि सल्लाहकार डा बिष्णु माया परियारले आयोजकलाई प्रदान गरेकी थिइन् ।