यसपटक विगत वर्षको तुलनामा अनुशासित देखिएको होली आफ्ना परिचितबीचमा मात्रै खेल्ने दृश्य बढी देखिएको छ । उपत्यकाका महत्वपूर्ण चोकमा ट्राफिक प्रहरीले सवारी जाँच कडा पारेको छ भने हुनसक्ने अवाञ्छित गतिविधिलाई निगरानी गरेको देखिन्छ ।

यस वर्ष होलीको उत्साह विगत वर्षको तुलनामा केही कमी आएको देखिएको छ । युवापुस्ताले केही रमाइलो गरेको देखिए तापनि आमजनतामा रौनकता छैन ।

उपत्यकामा सवारीसाधनको उपस्थिति पातलो छ । उता भृकुटीमण्डमा विभिन्न सङ्घसंस्थाको आयोजनामा होलीको विशेष कार्यक्रम गरेर मनाउन लागिको छ । अन्य स्थानमा सामाजिक सङ्घ संस्था तथा समूहगतरुपमा होली मनाउने क्रम सुरु भएको छ ।