दक्षिणवर्ती क्षेत्रका बासिन्दालाई नागरिकता तथा राहदानीको सेवा दिने उद्देश्यले कार्यालयले आउँदो वैशाखदेखि काम सुरु गर्नेछ । आज कार्यालय रहने स्थानको झापाका प्रमुख जिल्ला अधिकारी मदन भुजेलसहितको टोलीले स्थलगत अनुगमन गरी कार्यालय स्थानसमेत छनोट गरेको जिल्ला प्रशासन कार्यालयले जनाएको छ ।

सो कार्यालयमा प्रशासकीय अधिकृत यज्ञप्रसाद आचार्यको टोली रहने बताइएको छ । अधिकृत आचार्यका अनुसार कार्यालयका सेवा सञ्चालन गर्ने आवश्यक तयारी भइरहेको छ । उक्त कार्यालयबाट गौरादह नगरपालिकासहित त्यस क्षेत्रका गौरीगन्ज, खजुरगाछी, कोरोबारी, महाभारा र वैगुनधुरा गाविसका सेवाग्राहीले सुविधा पाउने छन् । जिल्लामा यस्ता सरकारी सेवा झापाको चन्द्रगढी र दमकको इलाका प्रशासन कार्यालयबाट प्रवाहित हुँदै आएका छन् ।