चेपाङ केन्द्रमा निर्माण हुन लागेको सुविधायुक्त २ भवनको एकैसाथ शिलान्यास, सौराहा लायन्सको संयोजनमा कार्यक्रम

चितवन, २४ फागुन । चितवनको रत्ननगरमा चेपाङ बालबालिकाका लागि बन्न लागेको २ भवनको आज एक कार्यक्रमका विच शिलान्यास गरिएको छ ।
लायन्स क्वल अफ चितवन सौराहाको संयोजनामा गामबेशी चेपाङ संरक्षण केन्द्रमा आज भएको औपचारिक कार्यक्रममा उक्त दुई वटा भवनको शिलान्यास भएको हो । करिव रु २७ लाखको लागतमा भवन बन्न लागेको जनाईएको छ ।

गामवेशी चेपाङ संरक्षण केन्द्रका सल्लाहकार डा ढुंडिराज पौडेलको संयोजनमा रु २५ लाख लागतमा सुविधायुक्त हल निर्माण हुन लागेको हो । यस्तै अष्ट्रियामा बस्दै आउनुभएकी चितवन माडीकी मायाँ लामा, (मुलर)ले आफ्ना सहयोगी र साथीभाईहरुबाट संकलन गरेको करिव रु २ लाख बढीको लागतमा भान्छा कोठा निर्माण गर्न थालिएको छ ।

लायन्स क्वल अफ चितवन सौराहाका सचिव शीरलाल परियारको पहलमा लामाले धन्यवाद नेपाल हिल्फे भन्ने संस्था मार्फत भवन निर्माणका लागि सहयोग उपलव्ध गराउनु भएको हो ।

सोही कार्यक्रममा डा पौडेलले चेपाङ बालबालिकाको लागि बहिनी र आफ्नो तर्फबाट रु ७१ ह्जार रुपैयाँ समेत चेपाङ संरक्षण केन्द्रको अक्षयकोषमा सहयोग प्रदान गर्नुभएको छ ।

सोही क्रममा डा धर्मदत्त सुवेदीबाट रु १० हजार तथा लायन नवराज सापकोटाले रु २ हजार ५०१ रुपैयाँ चेपाङ बालबालिकाका लागि सहयोग गर्नुभयो ।

सो क्रममा मायाँ लामाले विदेशमा मम र समोसा बेचेर रकम संकलन गरी सहयोग गरेको भन्दै यसअघि पनि विभिन्न क्षेत्रका भुकम्प पिडित एवं चेपाङ बालबालिकालाई सहयोग गरेको जानकारी दिनुभयो ।
लायन्स क्लव अफ चितवन सौराहाका अध्यक्ष प्रकाश चन्द्र भट्टराईको अध्यक्षतामा भएको भवन शिलान्यास कार्यक्रम लायन्स क्लव ईन्टरनेशनल डिस्ट्रिक ३२५ वी २ का प्रथम भाईस गभर्नर धनश्याम भट्टराईको प्रमुख आतिथ्यतामा सम्पन्न भएको थियो ।

कार्यक्रममा लायन रामप्रसाद भट्ट, लायन कमल श्रेष्ठ, लायन नारायण भट्टराई, दिपेन्द्र खतिवडा, निरज श्रेष्ठ लगायतको सहभागिता थियो ।

गामवेशी चेपाङ संरक्षण केन्द्रका अध्यक्ष केपी किरण शर्माले यस्तै सहयोगका भरमा यहाँ अहिले १४० चेपाङ बालबालिकाले आवासिय सुविधा सहित पढिरहेको बताउनुभयो ।

उहाँले यो अभियान २०६५ सालबाट शुरु गर्नुभएको र अहिलेसम्म विभिन्न क्षेत्रमा गरी ३१७ जना बालबालिकालाई आवासीय सुविधा सहित पठनपाठनको व्यवस्था मिलाएको बताउनुभयो ।