शनिबार, माघ १० २०७७
काठमाडौं ०३:५२
वासिङटन डिसी 17:07

अपाङ्ग विद्यार्थीलाई कम्बल

इनेप्लिज २०७२ माघ २१ गते ११:१४ मा प्रकाशित

इटहरी, २१ माघ । रोटरी क्लब अफ इटहरीले रामधुनीभासी नगरपालिकाको सिँगियामा रहेको जनता उच्च माविको आवासीय अध्ययनमा रहेका तथा अपाङ्गता भएका १८ जना विद्यार्थीलाई आज एक÷एक थान कम्बल वितरण गरेको छ ।

कम्बल इटहरीमा रहेको क्लोथ हाउसका सञ्चालक नारायण राठीले उपलब्ध गराउनुभएको हो ।

अपाङ्गता भएका विद्यार्थीलाई कम्बलसँगै एक थान टेलिभिजन सेट पनि उपलब्ध गराइएको रोटरी क्लब अफ इटहरीका अध्यक्ष गोविन्द सोनीले जानकारी दिनुभयो ।

यसैगरी, सोही संस्थाले इटहरी उपमहानगरपालिका क्षेत्रमा रहेका २० वटा उच्च मावि तथा माविलाई मानव हितका विषयमा अङ्कित चारसूत्रीय मन्त्र लेखिएको पात्रोसमेत वितरण गरेको छ ।

प्रतिक्रिया