आज काठमाडौँ गोकर्णमा फाइभइस्टार क्लबले आयोजना गरेको सेभेन एसाइड गणेशमान सिंह मेमोरियल फुटबल प्रतियोगिताको उद्नघाटन गर्दै महामन्त्री सिंहले मुलुकमा देखिएको समस्या समाधान गर्न दलहरु गम्भीर हुनुपर्नेमा जोड दिनुभयो ।

उहाँले सरकार कामभन्दा पनि भाषणबाजीमा अल्मलिएकाले नागरिकले सास्ती बेहोर्नु परेको बताउँदै सरकारलाई जनताप्रति जिम्मेवार रुपमा प्रस्तुत हुन आग्रह गर्नुभयो ।

काँगे्रेसको १३औँ अधिवेशनमा स्थानीय तहबाटै सबैलाई मिलाएर पार्टीको हितमा काम गर्नसक्ने नेतृत्व आउनुपर्ने पनि महामन्त्री सिंहको भनाइ थियो ।

उहाँले वडा, जिल्ला, क्षेत्रबाटै जनताको हितमा काम गर्नसक्ने नेतृत्व चयन हुनसकेमा पार्टी केन्द्रमा पनि सोहीअनुरुप सबैको साझा व्यक्तिको चयन हुनसक्ने विश्वास व्यक्त गर्नुभयो ।