इनेप्लिज
२०७२ पुष ३० गते २:५५ मा प्रकाशित
बर्दिया, ३० पुस । पाँच वर्षीया छोरीको हत्याको आरोपमा बाबु पक्राउ परेका छन् । बासगडी नगरपालिका–७ शङ्करिया गाउँका ३४ वर्षीय बाबु पूर्णबहादुर राजीलाई आफ्नै पाँच वर्षीया छोरी खगिसरा राजीको हत्याको आरोपमा प्रहरीले पक्राउ गरेको हो ।
छोरीलाई कुटपिट गरेर हत्या गरी आफ्नै घर अगाडिको खाल्टोमा गाडेको आरोपमा बुबा पूर्णबहादुर राजीलाई पक्राउ गरिएको जानकारी जिल्ला प्रहरी कार्यालय, बर्दियाका प्रहरी नायब उपरीक्षक नेत्रमणि गिरीले बताउनुभयो ।
हत्या के कारणले भएको हो भन्नेबारे अनुसन्धान भइरहेको समेत गिरीले बताउनुभयो । मृतक बालिका स्थानीय कालिका प्राविमा १ कक्षामा अध्ययनरत रहेको प्रहरीले बताएको छ ।
प्रतिक्रिया