सोमबार, माघ ५ २०७७
काठमाडौं २०:०१
वासिङटन डिसी 09:16

आँखाको नानी प्रत्यारोपण

इनेप्लिज २०७२ पुष ३० गते २:१५ मा प्रकाशित

eyeसुरुङ्गा (झापा), ३० पुस । दृष्टि आँखा अस्पताल बिर्तामोडले आँखाको नानी प्रत्यारोपण सेवा सुरु गरेको छ ।

काठमाडौँस्थित तिलगङ्गा आँखा अस्पतालबाट ल्याइएको आँखाको नानी भारतको आसाम निवासी ५० वर्षीय धीरेन मुसहरीमा प्रत्यारोपण गर्दै अस्पतालले उक्त सेवा सुरु गरेको अस्पतालका नेत्ररोग विशेषज्ञ भाइराजा श्रेष्ठले बताउनुभयो ।

छ महिनाअघिदेखि आँखामा सङ्क्रमण भई आँखाको ज्योति गुमेपछि मुसहरी दृष्टि आँखा अस्पतालमा उपचारका लागि आउनुभएको थियो । उहाँको सफल शल्यक्रियापछि आँखाको नानी प्रत्यारोपण गरेसँगै बुधबार अस्पतालले पत्रकार सम्मेलनको आयोजना गरी सेवाबारे जानकारी गराएको हो ।

अस्पताल स्थापनाको दोस्रो वर्ष प्रवेशसँगै अस्पतालले आँखाको पर्दा (रेटिना) सम्बन्धी शल्यक्रियालगायतका सेवा प्रदान गर्दै आएको पत्रकार सम्मेलनमा जानकारी दिइएको छ ।

निजी क्षेत्रबाट सञ्चालनमा आएको उक्त अस्पतालले पूर्वमा पहिलोपटक यो सेवा सुरु गरेको हो ।

प्रतिक्रिया