इनेप्लिज
२०७२ पुष २६ गते ५:५३ मा प्रकाशित
रत्ननगर (चितवन) २६ पुस । पुर्व मन्त्री तथा परराष्ट्र विज्ञ रमेशनाथ पाण्डेको पहिलो पुस्तक ‘कुटनीति र राजनीति’ को विषयमा चितवनमा साहित्यकारहरु विच साक्षात्कार भएको छ ।
कविडाँडा साहित्य समाजको आयोजनामा शनिवार उक्त कार्यक्रममा पुर्व मन्त्री पाण्डेले नेपाल भारतको सम्वन्धमा एउटा रेखा कोरिएको भन्दै राजनीति भन्दा कुटनीति कमजोरहुँदा अन्तराष्ट्रिय सम्वन्धमा असर परेको जिकिर गर्नुभयो ।
कुटनीतिमा दख्खल राख्नुहुने पाण्डेले संविधान निर्माणका क्रममा असल नियत हुँदाहुँदै पनि प्रक्रियागत समस्याका कारण यो अभाव झेल्नुपरेको धारणा राख्नु भयो ।
उहाँले चुलो नबल्दा समेत नेपाली जनता चुप लागेर बस्नु सरकारको लोकप्रियता नभई राष्ट्रप्रतिको समर्पण भएको उल्लेख गर्नुभयो । नेपालको राष्ट्रिय मामिला तथा कुटनीति र राजनीतिको यथार्थ चित्रण गरिएको पुस्तक पाण्डेले आफ्नो अनुभवको आधारमा तयार पार्नुभएको हो ।
पुस्तकमा १७ सालको सेरोफेरो, ईरान क्रान्ति, गिरफतारी, १९५० को सम्झौता, नाकाबन्दी, दरबार हत्याकाण्ड, नेपाल भारत सम्वन्ध, लगायत शिर्षकका लेखहरु समाबेश छन् । चितवनका रमाकान्त सापकोटा र विनोद खण्ड तिमिल्सीनाले पुस्तकको टिप्पणी गर्नुभएको थियो ।
प्रतिक्रिया