आइतबार, साउन १७ २०७८
काठमाडौं ०८:०२
वासिङटन डिसी 22:17

दुर्घटनामा एकको मृत्यु

इनेप्लिज २०७२ मंसिर १३ गते ४:१३ मा प्रकाशित

Road Accidentरत्ननगर (चितवन), १३ मङ्सिर । चितवनमा रहस्यमय दुर्घटनामा एक पुरुषको मृत्यु भएको छ ।

गएराति करिब ११ बजेको समयमा जिल्ला अदालत, चितवन अगाडि घाइते अवस्थामा फेला परेका स्थानीयवासी एक व्यक्तिको उपचारका क्रममा राति नै भरतपुर अस्पतालमा ज्यान गएको हो ।

चितवनका प्रहरी नायब उपरीक्षक राजन अधिकारीले सवारी साधनले ठक्कर दिएको जस्तो देखिने भरतपुर– ११ का ३८ वर्षीय एकप्रसाद दाहालको उपचारका क्रममा ज्यान गएको जानकारी दिनुभयो । सवारी साधनको खोजी भइरहेको र घटनाको अनुसन्धान भइरहेको अधिकारीले बताउनुभयो ।

भरतपुरको भित्री सडक चौबीसकोठीबाट मालपोत चोक जाने क्रममा सवारीले ठक्कर दिएको प्रहरीले अनुमान गरेको छ ।

उनको साथमा पासपोर्टसमेत फेला परेको र के कारणले राति त्यहाँ आएका थिए भनेर अनुसन्धान भइरहेको छ ।

प्रतिक्रिया