शनिबार, साउन ९ २०७८
काठमाडौं ०७:५२
वासिङटन डिसी 22:07

बाबुले खेलाएको पेस्तोल पड्किँदा छोरीको मृत्यु

इनेप्लिज २०७२ मंसिर १२ गते ११:१४ मा प्रकाशित

gunslinger_011112दोलखा, १२ मङ्सिर । कटेरामा अवैध रुपमा राखिएको कटुवा पेस्तोल बाबुले खेलाउँदा खेलाउँदै पड्किँदा आफ्नै छोरीको मृत्यु भएको छ ।

मृत्यु हुनेमा भीनपा–७ स्थित सार्की स्वाराटोलकी दशमहिने रेश्मा चौलागाईं रहेको जिल्ला प्रहरी कार्यालय दोलखाका प्रहरी नायब उपरीक्षक बेलबहादुर पाण्डेले जानकारी दिनुभयो । घटना शुक्रबार दिउँसो करिब चार बजेर ४५ मिनेट जाँदा भए पनि हेरिरहेको टेलिभिजन पड्किएको भन्दै प्रहरीलाई बाबु रामकृष्ण चौँलागाईँले ढाँटेका थिए ।

घटनाको थप अनुसन्धान भइरहेको प्रहरीले जनाएको छ । प्रहरी नायब उपरीक्षक पाण्डेले स्थलगत अनुसन्धानका क्रममा घटनास्थलमा कटुवा पेस्तोल भेटिएको र पेस्तोल पड्किँदा बालिकाको ज्यान गएको मृतकका आफन्तले समेत स्विकारिसकेको बताउनुभयो ।

पेस्तोल पड्किँदा मृतकका चौलागाईंसमेत घाइते भएका थिए । घटना हुँदा मृतकका काका राजकुमार्र ं समेतसँगै रहेको र सो पेस्तोल पनि सिंगटीमा भेटेर उनैले ल्याएको स्वीकार गरेका छन् ।

यता प्रहरीले भने घटनास्थलमा गोलीको खोका नभेटिएको र हतियार अरु पनि प्रयोग हुन सक्ने भन्दै थप अनुसन्धानका लागि मृतकका बु्बा र काकालाई नियन्त्रणमा राखेको छ । मृतकका आफन्तले भने टिभी पड्किएर बालिकाको ज्यान गएको भन्दै शुक्रबार घटनाको ढाकछोप गर्ने प्रयास गरेका थिए ।

प्रतिक्रिया