शुक्रबार, मंसिर १२ २०७७
काठमाडौं १०:४६
वासिङटन डिसी 00:01

१०२ फरार अभियुक्त पक्राउ

इनेप्लिज २०७२ असोज २९ गते १०:२५ मा प्रकाशित

pakraauभोजपुर, २९ असोज । पूर्वी पहाडी जिल्ला भोजपुरमा फरार रहेका १०२ अभियुक्त पक्राउ परेका छन् ।

विसं २०२४ देखि विभिन्न शीर्षकमा मुद्दा दर्ता भई फैसला नभएका प्रतिवादीलाई पक्रन सुरु गरिएको जिल्ला प्रहरी कार्यालय भोजपुरले जनाएको छ ।

मुद्दा दर्ताभै फरार अभियुक्तलाई साउन १ गतेदेखि प्रहरीले पक्राउ गर्न थालेको हो । जिल्ला प्रहरी कार्यालयले पक्राउ गरेका अभियुक्तमा नौ वर्ष लामो कैद तोकिएका पनि छन् ।

भोजपुर जिल्ला अदालतमा २१ वटा मुद्दा दर्ता भएका छन् । दर्ता भएका मुद्दामा जबर्जस्ती करणीमा पाँच मुद्दा, जबर्जस्ती करणी उद्योग एक, चोरी दुई, सवारी ज्यान एक, आत्महत्या चार, भवितव्य ज्यान मुद्दा दुई, ज्यान मार्ने उद्योग एक गरी विभिन्न शीर्षकमा २१ वटा मुद्दा दर्ता भएका थिए । फरार प्रतिवादीलाई गाउँगाउँ गई पक्राउ गरिएको र केही अभियुक्त भने आफैँ पक्राउ पुर्जी लिएर आउन थालेको प्रहरी नायब उपरीक्षक राजकुमार लम्सालले जानकारी दिनुभएको छ ।

प्रतिक्रिया