आर्थिक अवस्था कमजोर भएका कारण शौचालयको अभाव भोगेका रामबहादुर कुँवर र जुद्धबहादुर कुँवरको घरपरिवारलाई अफरडाँडाका ९६ घरधुरीले श्रमदान र नगद रकम उठाएर शौचालय बनाइदिएका हुन् ।
त्यसैगरी वीरकोट गाविस–८ मोचाबारी निवासी शेषबहादुर गाहाका परिवारलाई पनि छिमेकीले रकम उठाएर शौचालय बनाइदिएका छन् । मोचाबारीका ४० घरधुरीले श्रमदान र नगद रकम उठाएर गाहाका परिवारलाई पक्की शौचालय बनाइदिएका हुन् ।