एक सय ४४ मिटर लम्बाइको सो पुल रु एक करोड २८ लाखको लागतमा बनेको हो । पुल बनेपछि चापाकोट, सेखाम, साँखर र रामपुर नगरपालिकामा हाट मेलामा किनमेल गर्न र आवतजावत गर्न सजिलो भएको जयनारायण न्यौपानेले बताउनुभयो ।

मिलनघाट झोलुङ्गेपुल निर्माण भएपछि लामो समयदेखि कालीगण्डकी नदीदेखि पाल्पा र स्याङ्जालाई जोड्ने आशा पूरा भएको छ । उपभोक्ता समितिका अध्यक्ष लेखनाथ पोखरेल झोलुङ्गेपुलको दुबै पक्षले संरक्षण गर्न आवश्यक रहेको बताउनुहुन्छ ।