जनकपुरधाम, १६ भदौ । प्रदर्शनकारी र प्रहरीबीच जारी झडपका कारण जनकपुर आज पनि तनावग्रस्त रह्यो ।
जनकपुरको जिरोमाइल, भानुचोक, शिवचोक, मुरलीचोक, श्यामचोकलगायतका स्थानमा भएको झडपका कारण अवस्था तनावग्रस्त बन्न पुगेको हो ।
दुवै पक्षबीच भएको झडपमा परी आजमात्रै १९ जना प्रदर्शनकारी घाइते भएका छन् । हनुमानगरका उमेश यादव र कुवाका दुलारचन खत्बे गोली लागी घाइते भएको र उनीहरूको जनकपुर अञ्चल अस्पतालमा उपचार भइरहेको छ ।
त्यस्तै, जिल्ला प्रशासन कार्यालय धनुषाले आज मध्याह्नदेखि मुरलीचोकबाट जिल्ला अदालत, कोष लेखा नियन्त्रण कार्यालय, आन्तरिक राजस्व कार्यालयसम्म निषेधित क्षेत्र घोषणा गरेको छ ।
प्रतिक्रिया