मङ्गलबार बसेको जिल्ला सुरक्षा समितिको बैठकमा भएको छलफलपछि धनगढी नगर क्षेत्रमा आज पनि निषेधाज्ञा लगाउने निर्णय गरिएको जिल्ला प्रशासन कार्यालयले जनाएको छ ।

यसअघि स्थानीय प्रशासनले मङ्गलबार धनगढी नगर क्षेत्रमा बिहान ११ देखि साँझ ७ बजेसम्म निषेधाज्ञा लगाएको थियो । निषेधाज्ञासँगै यहाँका सडक, बस्ती सुनसान बनेका छन् । सर्वसाधारण घरबाहिर निस्कन सकेका छैनन् । सर्वसाधारणमा एक खालको सन्त्रास फैलिएको भए पनि शान्तिसुरक्षाको स्थिति भने सामान्य बन्दै गएको छ ।