शुक्रबार, असार १७ २०७९
काठमाडौं ०२:०२
वासिङटन डिसी 16:17

दुई गाविसमा उत्थानशील परियोजना सुरु

इनेप्लिज २०७२ भदौ ४ गते ३:०२ मा प्रकाशित

ilam_nepal_mapइलाम, ४ भदौ । इलामको जितपुर र सिद्धिथुम्का गाविसमा यसै वर्षदेखि सामुदायिक उत्थानशील परियोजना सुरु भएको छ ।

फिनिस रेडक्रस र नेपाल रेडक्रस सोसाइटी केन्द्रीय कार्यालयको संयुक्त सहयोगमा ती गाविसमा सन् २०१५ जनवरीदेखि परियोजना सुरु भएको हो । परियोजनाको पहिलो चरणमा १८ वटा वडामा वडास्तरीय विपद् व्यवस्थापन समिति र गाविसस्तरीय विपद् व्यवस्थापन समिति गठन गरिएको छ । विपद् न्यूनीकरणका लागि सञ्चालित परियोजनाअन्तर्गत वृक्षरोपण, जीविकोपार्जन, संस्थागत क्षमता विकास, साक्षरता अभियानलाई सहयोग, स्वास्थ्य, शिक्षा तथा सरसफाइ लगायतका कार्यक्रम सञ्चालन गरिने नेपाल रेडक्रस सोसाइटी जिल्ला शाखा इलामका सभापति देवीप्रसाद गौतमले जानकारी दिनुभयो ।

चार वर्षसम्म सञ्चालन हुने परियोजनाको पहिलो वर्षका लागि फिनिस रेडक्रसले रु ३५ लाख आर्थिक सहयोग गरेको रेडक्रस जिल्ला शाखाले जनाएको छ । परियोजनाअन्तर्गत नै दुईवटा गाविसका एक÷एकवटा सामुदायिक विद्यालयमा खानेपानी र शौचालय निर्माण गरिने, चेतनामूलक मुहान सुधार कार्यक्रम गरिने छ । विपद् जोखिमका हिसाबले बढी जोखिम भएका गाउँमा परियोजना सञ्चालन गरिएको हो ।

प्रतिक्रिया