ना २७ प ९२०९ नम्बरको मोटरसाइकलले विपरीत दिशाबाट आउँदै गरेको साइकललाई ठक्कर दिँदा दुर्घटना भएको हो । दुर्घटनामा परी मोटरसाइकल चालक कोराक गाविस–१ का २७ वर्षीय बाबुराम तामाङको मृत्युभएको हो ।

मङ्गलबार साँझ भएको उक्त दुर्घटनामा गम्भीर घाइते भएका तामाङको उपचारका लागि भरतपुरतर्फ लैजाँदै गर्दा बाटोमै मृत्युभएको जिल्ला प्रहरी कार्यालय चितवनले जानकारी दिएको छ । उनको शवलाई अहिले भरतपुर अस्पतालमा राखिएको छ । सो दुर्घटनामा परी घाइते साइकल चालक १५ वर्षीय नवल पराजुलीको सोही अस्पतालमा उपचार भइरहेको छ ।