इलाममा एकसय ४७ सम्बन्धविच्छेदका घटना
इलाम, २९ साउन । वैदेशिक रोजगार, अन्तरजातीय र कम उमेरमा गरिएका विवाहका कारण इलाममा सम्बन्धविच्छेदका घटना बढिरहेको पाइएको छ ।
जिल्ला अदालतका अनुसार आव २०६९/०७० मा ८५ वटा सम्बन्धविच्छेदका घटना दर्ता भएकामा दुई वर्षपछि अर्थात् आव २०७१/०७२ मा त्यो सङ्ख्या झन्डै दोब्बरले वृद्धि हुन गई १४७ पुगेको छ ।
आव २०७०/०७१ मा ९८ वटा मुद्दा दर्ता भएको थियो । गत आवमा दर्ता भएका सम्बन्धविच्छेदका घटनामध्ये ११४ वटाको फैसला भइसकेको छ । सम्बन्धविच्छेद गर्ने १६ देखि ४५ वर्ष उमेर समूहका बढी रहेको अदालतले जनाएको छ । विवाह भएको एक वर्षदेखि ८/१० वर्षसम्ममा अदालतमा घटना दर्ता हुने गरेका छन् ।
विवाहपश्चात् वैदेशिक रोजगारमा गएपछि श्रीमान् श्रीमतीबीच अविश्वास बढ्दै गएर सम्बन्धविच्छेदसम्म पुग्ने गरेको छ । श्रीमान्ले विदेशबाट पठाएको सम्पत्ति लिएर श्रीमतीले दोस्रो विवाह गर्ने तथा श्रीमान् फर्किएर दोस्रो विवाह गर्न बाध्य भएपछि अदालतमा पुगेर सम्बन्धविच्छेद गर्ने गरेका छन् ।
सम्बन्धविच्छेदको अर्को कारण अन्तरजातीय विवाह र कम उमेरमा विवाह गर्नु पनि देखिएको छ । अन्तरजातीय विवाह गरेपश्चात् केही समय श्रीमान् श्रीमतीको सम्बन्ध प्रगाढ बनेपनि त्यो लामो समय नटिक्नु, केही समयपछि परिवार र समाजबाट तिरस्कृत हुँदै जानु तथा कम उमेरमा विवाह गर्नुले सम्बन्धविच्छेदका घटना बढेको अदालतका श्रेस्तेदार जगदीश्वर भट्टराईले बताउनुभयो ।
सम्बन्धविच्छेदपछि त्यसको असर बालबालिकामा पर्ने गरेको छ । बाबुआमा अलगअलग भएपछि ती बालबालिकाको भविष्य अन्योलमा पर्ने गरेकोसमेत श्रेस्तेदार भट्टराई बताउनुहुन्छ ।
कानुनमा १६ वर्षमुनिका बालबालिका भए आमाले पाल्ने र बाबुले खर्च व्यहोर्ने भनिएको छ, तर मातृवात्सल्य र अभिभावकत्वको अभाव देखिएको छ, श्रेस्तेदार भट्टराईले भन्नुभयो, “बाबुआमाको माया, ममता र साथ नपाएका बालबालिका बरालिएर हिँड्ने गर्दा भविष्यनै अन्योलमा परेका धेरै छन् ।” अदालतमा पर्ने महिला सम्बन्धिका मुद्दामध्ये ६० प्रतिशतभन्दा बढी सम्बन्धविच्छेदकै हुने जनाइएको छ ।
आफु परस्त्रीसँग सम्बन्ध राख्दै हिँड्ने तर श्रीमती को चरित्र माथी शङ्का गर्ने हरुको नाममा…
तीन मानसिक अवस्था जसलाई नेपाली समाजले स्वीकार गर्दैन
मैले देखेका आमाहरू
अमेरिकाको न्यूजर्सीमा सवारी साधनमा दुर्घटना भै निधन भएका नेपालीको शव नेपाल लैजान सहयोगको लागि आह्वान
अमेरिकासँग असन्तुष्ट कृतघ्न नेपालीका नाममा
क्यालिफोर्नियाको गिर्जाघरमा गोली चल्दा कम्तीमा १ जनाको मृत्यु ,४ जना गम्भीर घाइते
“नेपाल अमेरिका पत्रकार संघ (नेजा)को आयोजनामा अमेरिकामा रक्तदान सम्पन्न”
कोलोराडोमा प्रकाश सपुत सांगीतीक सांझ कार्यक्रम सफलताका साथ सम्पन्न
टेक्सस ह्युस्टनको कवाडी बजारमा गोली चल्दा २ जनाको मृत्यु, ३ जना घाइते
बुद्ध जयन्तीको उपलक्ष्यमा कोलोराडोमा शान्ति पदयात्रा सम्पन्न
प्रतिक्रिया