शुक्रबार, असार १७ २०७९
काठमाडौं ०२:०७
वासिङटन डिसी 16:22

दरबाङ–म्याग्दीखोला जलविद्युत् आयोजनाको विद्युत् खरिद सम्झौता

इनेप्लिज २०७२ साउन २९ गते २:४९ मा प्रकाशित

Myagdi_district_locationबेनी (म्याग्दी), २९ साउन । पश्चिम म्याग्दीमा निर्माण हुन लागेको २५ मेगावाट क्षमताको दरबाङ–म्याग्दीखोला जलविद्युत् आयोजनाको बिहीबार यहाँ विद्युत् खरिद सम्झौता (पिपिए) सम्पन्न भएको छ ।

नेपाल विद्युत् प्राधिकरणका योजना अनुगमन निर्देशनालयका कामु उपकार्यकारी निर्देशक राजीव शर्मा र धौलागिरि कालिका हाइड्रो प्रालिका सञ्चालक दिनुप्रताव पाण्डेले हस्ताक्षर गर्नुभएको सम्झौताबाट आयोजनालाई अगाडि बढाउन सहज भएको छ ।
प्रालिका अध्यक्ष प्रमोद श्रेष्ठले सडक र पूर्वाधार भएको क्षेत्रमा आयोजना निर्माण हुन लागेकाले प्राविधिक जनशक्तिको व्यवस्थापन गरी निर्माणलाई अगाडि बढाउने जानकारी दिनुभयो । प्राधिकरणले प्रवर्धकसँग बर्सातको आठ महिना प्रतियुनिट चार रुपैयाँ ८० पैसा र सुक्खायामको चार महिना प्रतियुनिट आठ रुपैयाँ ४० पैसामा पिपिए गरेको छ ।

रन अफ द रिभर प्रकृतिको दरबाङ–म्याग्दीखोला दरबाङ देदी दुई किलोमिटर माथि देविस्थान र ताकम धारापानी जाने भेदीखोलामा बाँध बाँधेर पाँच किलोमिटर टनेल हँुदै दरबाङ र बाबियाचौर गाविसको सिमानामा अवस्थित सहश्रधाराको रातोढुङ्गामा सय मिटर अग्लो हेडका साथ पावर हाउस बनाइने छ । पश्चिम म्याग्दीका पहिलोपटक जलविद्युत् आयोजना निर्माण हुन लागेको छ । आयोजनाको प्रारम्भिक लागत रु तीन अर्ब ९३ करोड रहेको छ ।

प्रतिक्रिया