बलेवा (बागलुङ), २७ साउन । पौडी खेल्न खोलामा गएका यहाँका एक युवा बेपत्ता भएका छन् ।
सदरमुकामसँगैको काठेखोलामा मङ्गलबार पौडी खेन्न गएका जिल्लाको दमेकका सञ्जय छन्त्याल बेपत्ता भएका हुन् ।
जिल्लाको दमेक गाविस– ६ का १७ वर्षका छन्त्याल परिवारसहित बागलुङ नपा–४ देउराली चोकमा बस्ने गरेको जिल्ला प्रहरी कार्यालय बागलुङले जनाएको छ । उनी मङ्गलबार दिउँसो साथीसँग पौडी खेल्न जान्छु भनी निस्किएको परिवार स्रोतले बताएको छ ।
साथीले साँझमात्र छन्त्याल बेपत्ता भएको खबर गराएका थिए । मङ्गलबार साँझ खबर पाएपछि आज बिहानैदेखि खोला किनारामा व्यापक खोजीकार्य जारी राखिएको छ ।
सँगै पौडी खेल्न गएका भनिएका बालकले छन्त्याल बेपत्ता भएको खबर गरेपछि प्रहरी र स्थानीयले खोजीकार्य जारी राखेको जिल्ला प्रहरी कार्यालयका सूचना अधिकारी शैलेन्द्र खड्काले जानकारी दिनुभयो ।
प्रतिक्रिया