शुक्रबार, असार ४ २०७८
काठमाडौं ०५:२२
वासिङटन डिसी 19:37

झापाका बाइस वटा उद्योग बन्द

इनेप्लिज २०७२ साउन २७ गते १२:३३ मा प्रकाशित

Jhapa_nepal-mapसुरुङ्गा (झापा), २७ साउन । पछिल्लो समय झापामा उद्योग खुल्ने क्रम बढे पनि आव २०७१/७२ मा जिल्लाका २२ वटा उद्योग बन्द भएका छन् ।

आव २०७०/७१ मा भन्दा २०७१/७२ मा उद्योगतर्फ २९२ वटा र वाणिज्यतर्फ २३८ वटा उद्योग दर्ता भए पनि २२ वटा साना ठूला उद्योग बन्द भएको घरेलु तथा साना उद्योग कार्यालयका उद्योग अधिकृत चन्द्रप्रसाद मिश्रले जानकारी दिनुभयो ।

जिल्लामा हालसम्म छ हजार २१३ वटा उद्योगतर्फका उद्योग दर्ता रहेको र वाणिज्यतर्फ सात हजार २८ वटा उद्योग दर्ता भएका छन् । मिश्रका अनुसार आव २०७१/७२ मा उद्योगतर्फका कृषि तथा वन ३१६, उत्पादनमूलक उद्योग २४५, सेवामूलक २०३, निर्माण पाँच र पर्यटनमा चार वटा उद्योग दर्ता भएका छन् ।

त्यस्तै वाणिज्यतर्फ एक हजार १२३ र साझेदारी फर्म २९ वटा दर्ता भएको उद्योग अधिकृत मिश्रले बताउनुभयो । घरेलु तथा साना उद्योग कार्यालयले आव २०७१/७२ मा रु दुई करोड १२ लाख १२ हजार ३०० राजस्व सङ्कलन गरेको छ । जसमा वाणिज्यतर्फ रु एक करोड ५२ लाख ६४ हजार ९०० र उद्योगतर्फ रु ५३ लाख ३७ हजार ४०० राजस्व सङ्कलन भएको छ ।

प्रतिक्रिया