शुक्रबार, असार १७ २०७९
काठमाडौं ०१:२२
वासिङटन डिसी 15:37

मेट्रो रनको शुभारम्भ

इनेप्लिज २०७२ साउन १६ गते ९:२४ मा प्रकाशित

विराटनगर, १६ साउन । सामान्य प्रशासनमन्त्री लालबाबु पण्डितले विराटनगरस्थित सहिद मैदानमा आज ‘विराटनगर मेट्रो रन’ कार्यक्रमको शुभारम्भ गर्नुभयो ।

मेट्रो लायन्स क्लब विराटनगरद्वारा आयोजित सो कार्यक्रमअन्तर्गत अबदेखि प्रत्येक शनिबार बिहान ७ बजे सहिद रङ्गशालाबाट झन्डै तीन किमीको दौड आयोजना गरिने छ । ‘स्वास्थ्य नै जीवन हो’ नाराका साथ सुरु गरिएको दौडमा जुनसुकै उमेरका मानिसले सहभागिता जनाउन सक्ने आयोजक संस्थाका अध्यक्ष कैलाश श्रेष्ठले बताउनुभयो ।

दौडमा प्रत्येक सप्ताह सहभागी हुने खेलाडीलाई ‘माइलेज कार्ड’ दिइने र १० सप्ताह सहभागी भएकालाई उपहारस्वरुप टिसर्ट उपलब्ध गराइने आयोजकले जनाएको छ । निरन्तर सहभागी भएका खेलाडीलाई आयोजक क्लबको स्थापना दिवसमा हुने प्रतियोगितामा सहभागी गराएर विजयीलाई पुरस्कृत गरिने बताइएको छ ।

सो अवसरमा मन्त्री पण्डितले नागरिक स्वस्थ्य भए मात्र देशको सर्वाङ्गीण विकास हुने बताउनुभयो ।

प्रतिक्रिया