नेपाल सरकारको वन संरक्षण नीतिअन्तर्गत न्यूनतम मापदण्ड पुगेका सामुदायिक वन समूह समुदायलाई हस्तान्तरण गरिएको जिल्ला वन कार्यालय झापाका प्रमुख इन्द्रमणि भण्डारीले जानकारी दिनुभयो ।

उहाँका अनुसार पृथ्वीनगर–३ मा रहेको विशाल, जलथलमा रहेको हरियाली, पथरियामा रहेको त्रिवेणी, अभिमुत्तेश्वर, दुर्गाभिट्टा र जलथलमा रहेको पाथीभरा कालिका सामुदायिक वन उपभोक्ता समूह रहेका छन् । योसँगै झापामा हस्तान्तरण भएका सामुदायिक वन समूहको सङ्ख्या ४८ पुगेको छ भने अझै ११ वटा सामुदायिक वन हस्तान्तरणको प्रक्रियामा छन् ।