सोमबार, जेठ ३१ २०७८
काठमाडौं ००:०७
वासिङटन डिसी 14:22

डिकमान विरही पुरस्कार काजीलाई

इनेप्लिज २०७२ असार ३१ गते १४:३३ मा प्रकाशित

10270624_877417279001094_2296540204174932178_nसुरुङ्गा(झापा), ३१ असार । स्व डिकमान विरही स्मृति साहित्य चौतारी सम्मान पुरस्कारबाट यस वर्ष झापाका पत्रकार नकुल काजी पुरस्कृत हुनुभएको छ ।

साहित्य चौतारी झापाको १६ औँ वार्षिकोत्सव तथा २०२ औँ भानुजयन्तीका अवसरमा आज बिर्तामोडमा आयोजित कार्यक्रममा दिइएको सो पुरस्कारको राशि रु सात हजार र साथमा सम्मानपत्र छ । काजीलाई नेपाल ललितकला प्रज्ञा–प्रतिष्ठानका प्राज्ञ रवीन कोइरालाले पुरस्कृत गर्नुभयो ।

त्यस्तै ‘जेपी आले स्मृति चौतारी फोटोग्राफी पुरस्कार’बाट कृष्ण सिञ्जाली (मगर) पुरस्कृत हुनुभएको छ । पुरस्कारको राशि रु तीन हजार ५०० र सम्मानपत्र रहेको छ । ‘भीमबहादुर÷पञ्चकुमारी स्मृति साहित्य चौतारी प्रतिभा पुरस्कार’बाट भने नृत्य कलाकार ज्ञानु सुब्बा र ‘धनमाया स्मृति साहित्य चौतारी नव प्रतिभा पुरस्कार’बाट मूर्तिकार पूजन खतिवडा सम्मानित हुनुभएको छ । पुरस्कारको राशि जनही रु तीन हजार पाँच सय र सम्मानपत्र छ ।

कार्यक्रममा भजन गायक देवीभक्त श्रेष्ठ र उर्मिला श्रेष्ठको भजनसङ्ग्रह ‘परमेश्वर’ (जाऔँ जाऔँ अर्जुनधारा धाम) सार्वजनिक गरिएको थियो ।

प्रतिक्रिया