बिहीबार, माघ १३ २०७८
काठमाडौं ००:०१
वासिङटन डिसी 13:16

निर्वाचन प्रणाली र सङ्घीयतामा एमाले स्थायी समितिको निर्णय

इनेप्लिज २०७२ जेठ २४ गते १४:४६ मा प्रकाशित

UML_20141013053350_20141013062631-300x225काठमाडौँ, २४ जेठ । नेकपा (एमाले)को स्थायी समितिको आजको बैठकले प्रदेशको सङ्ख्या छभन्दा बढी हुन नहुने र सीमाङ्कन टुङ्ग्याउने जिम्मा अधिकार सम्पन्न सङ्घीय आयोगलाई दिनुपर्ने अडान कायम राखेको छ ।

बैठकले प्रदेशको नाम प्रदेश सभाले तय गर्नुपर्ने निष्कर्ष पनि निकालेको छ । संविधान निर्माणको विवादित विषय बनेको निर्वाचन प्रणालीमा निर्वाचित सदस्यको बाहुल्यता हुने गरी बढीमा २७० सदस्य हुुने र दुई सदनात्मक संसदको प्रस्ताव अघि सारेको छ ।

प्रधानमन्त्री निवास बालुवाटारमा हुने चार दलको बैठक अघि संसदीय दलको कार्यालय सिंहदरबारमा बैठक बसेको सो पार्टीका सचिव प्रदीप ज्ञवालीले पत्रकारलाई जानकारी गराउनुभयो ।

बैठकले यथाशक्य चाँडो संविधान निर्माणमा साझा सहमितिलाई जोड दिएर यथाशक्य छिटो संविधान जारी गर्ने र त्यसपछि राष्ट्रिय सरकार गठनमा जोड दिने उहाँले बताउनुभयो ।

प्रतिक्रिया