इनेप्लिज
२०७२ जेठ २४ गते १४:४१ मा प्रकाशित
काठमाडौँ, २४ जेठ । नेपाली काँग्रेसले पार्टीका पूर्व सांसद् गोपाल कोइरालाको निधनप्रति गहिरो दुःख व्यक्त गरेको छ ।
नेपाली काँग्रेस झापाका पूर्व उपसभापतिसमेत रहनुभएका कोइरालाको गएराति विराटनगरमा निधन भएको थियो ।
स्वर्गीय कोइराला नेपाली काँग्रेसको तर्फबाट २०५६ को उपनिर्वाचनमा झापा जिल्ला निर्वाचन क्षेत्र नं ६ बाट विजयी हुनुभएको थियो । लामो समयदेखि नेपाली काँग्रेसमा अनवरत रुपमा क्रियाशील रहनुभएका स्वर्गीय कोइरालाले नेपालमा प्रजातन्त्र स्थापना र पुनःस्थापनामा सक्रिय भूमिका निर्वाह गर्नुभएको पार्टी केन्द्रीय कार्यालयका मुख्यसचिव ऋषिकेश तिवारीले जानकारी दिनुभयो ।
स्वर्गीय कोइरालाका तीन छोरा र दुई छोरी हुनुहुन्छ ।
प्रतिक्रिया