उपमहानगरपालिकाका कार्यकारी अधिकृत गोपालप्रसाद रेग्मीका अनुसार उपमहानगर क्षेत्रमा नक्सापास नगरी दुई तलाभन्दा माथि घर निर्माण गरेको पाइएमा भत्काउन लागिएको हो ।

सरकारी निर्णयअनुसार विराटनगर क्षेत्रमा दुई तलाभन्दा माथिको घर निर्माण बन्द गरिएको जानकारी दिँदै रेग्मीले यसबारे वडा सचिवको भेला चाँडै डाकिने बताउनुभयो । उपमहानगर क्षेत्रका २२ वटै वडाका सचिवको भेला बोलाई मापदण्ड विपरीत निर्माण गरिएका भौतिक संरचना भत्काउनका लागि निर्देशन दिइने रेग्मीले जानकारी दिनुभयो ।

उहाँका अनुुसार नक्सा पास भए÷नभएको मूल्याङ्कन गरी त्यसको जानकारी उपमहानगरलाई सचिवले दिने छन् । विराटनगरका अधिकांश घर मापदण्ड विपरीत निर्माण गरेको पाइएको उपमहानगरपालिकाले जनाएको छ । कम्पाउन्ड वाल चार फिटको वनाइनुपर्नेमा शत्प्रतिशत वालहरु मापदण्ड वितरीत पाइएको उपमहानगरपालिकाका इन्जिनियर भरत न्यौपानेले जानकारी दिनुभयो ।

मापदण्ड विपरीत बनाइएका भौतिक संरचना निर्माण गरेकालाई पूर्वसूचना दिइने र अटेर गरे भौतिक संचरना भत्काउँदा लाग्ने सम्पूर्ण खर्चसमेत नगरपालिकाले असुल गर्ने कार्यकारी अधिकृत रेग्मीको भनाइ छ ।