मंगलबार, साउन १२ २०७८
काठमाडौं ०३:४९
वासिङटन डिसी 18:04

संविधानसभा बैठक भोलि पनि स्थगन हुने सम्भावना

इनेप्लिज २०७२ जेठ १६ गते १५:३५ मा प्रकाशित

Ca_20140912090439काठमाडौँ, १६ जेठ । भोलिका लागि निर्धारण भएको संविधानसभाको बैठक पुनः स्थगन हुने सम्भावना बढेर गएको छ ।

भूकम्पसँगै परिवर्तित राजनीतिक घटनाक्रमका साथै अधिकांश सभासद् आ–आफ्ना जिल्लामा राहत तथा उद्धारमा जुटेकाले उक्त बैठक स्थगन हुने सम्भावना बढेर गएको हो ।

भोलिको बैठक पनि कार्यसूचीमा प्रवेश नगरी स्थगन हुने सम्भावना बढेर गएको संविधानसभा सचिवालयका सहायक प्रवक्ता सुदर्शन कुइकेलले राससलाई जानकारी दिनुभयो ।

“संविधानसभामा प्रतिनिधित्व गर्ने सवै राजनीतिक दल र सभासद्ले भोलिको लागि तोकिएको बैठक सार्न सुझाव दिएपनि त्यससम्बन्धी निर्णय भने भइनसकेको छैन,”–उहाँले भन्नुभयो ।

संविधानसभा सचिवालयले भोलि कार्यालय खुल्नासाथ त्यससम्बन्धी सूचना प्रकाशित गर्ने बताइएको छ ।

प्रतिक्रिया