कुनै पनि मुलुकको शिक्षाको स्तर त्यस देशको शिक्षकको स्तरभन्दा माथि हुन सक्दैन भन्ने मान्यताका साथ पुस्तकमा शिक्षाको गुणस्तर सुधारका लागि शिक्षक सिर्जनशील र समर्पित हुनुपर्नेमा जोड दिइएको छ ।

पुस्तकमा शिक्षाका विद्यालय क्षेत्र सुधार कार्यक्रम, साक्षरता अभियानका साथै नयाँ आयाम समाहित शिक्षा, बहुभाषिक शिक्षा, शिक्षामा सूचना प्रविधि, शैक्षणिक प्रविधि, खुल्ला शिक्षा आदि ११ विषयमा शिक्षा क्षेत्रका विज्ञ, उच्च सरकारी अधिकारी र अनुभवी व्यक्तिका अनुसन्धानमूलक आलेख र सन्दर्भ सामग्री छन् ।

कुल ४९२ पृष्ठको पुस्तक शिक्षक सेवा आयोगको खुला प्रतियोगिताका परीक्षार्थीका लागि उपयोगी हुनेछ भने शिक्षाका विद्यमान नीति र कार्यक्रमको समीक्षकका लागि पनि सान्दर्भक हुनेछ ।

पुस्तकको सम्पादन शरदच्चन्द्र वस्ती, सुदर्शन घिमिरे र बाबुराम विश्वकर्माले गर्नुभएको छ ।