अघिल्ला दिनका तुलनामा पराकम्पन कम हुँदै गएपछि उपत्यकामा चहलपहल बढेको छ । सडकमा मानिसको चहलपहल बढेको छ भने पसलहरु क्रमशः खुल्न थालेका छन् ।

उपत्यकाभित्र सवारीसाधन सामान्य रुपमा सञ्चालन हुन थालेको महानगरीय ट्राफिक प्रहरी महाशाखाले जनाएको छ ।

शुक्रबार बिहानै दुई पराकम्पन
दोलखालाई केन्द्रबिन्दु बनाएर आज बिहान ३ बजेर ३८ मिनेट जाँदा ४.१ र ४ बजेर ६ मिनेट जाँदा ४.३ रिक्टर स्केलको भूकम्पको पराकम्पन गएको राष्ट्रिय भूकम्प मापन केन्द्रले जनाएको छ ।

पराकम्पनहरु क्रमिक रुपमा कम हुँदै गएकाले अब आत्तिनुपर्ने अवस्था नरहेको केन्द्रले जनाएको छ ।