इनेप्लिज
२०७२ वैशाख २६ गते १५:२६ मा प्रकाशित
लहान, २६ वैशाख । पूर्व–पश्चिम राजमार्गअन्तर्गत सप्तरीको शम्भुनाथ नगरपालिका–७ मा आज दिउँसो दुई मोटरसाइकल एकआपसमा ठोक्किँदा चारजनाको मृत्यु भएको छ ।
पूर्वबाट पश्चिमतर्फ जाँदै गरेको को १८ प ८२५७ र विपरीत दिशावाट आउँदै गरेकोे बा ६६ प १०९१ नम्बरका दुई मोटरसाइकल एक आपसमा ठोक्किएर सो दुर्घटना भएको हो ।
दुर्घटनामा परी दोलखाको भिमेश्वर नगरपालिका–१० का निमा तामाङ, सुनसरीको इटहरी उपमहानगरपालिका–१ का शरद मगर, बाराको बरौलका बैजुप्रसाद पौदार र अर्का एक नाम नखुलेका गरी चारजनाको मृत्यु भएको इलाका प्रहरी कार्यालय कल्याणपुरका प्रहरी निरीक्षक छेदीलाल कामतीले जानकारी दिनुभयो ।
दुर्घटनामा गम्भीर घाइते भएका चारैजनालाई प्रहरीले उद्धार गरी लहानस्थित नर्सिङ् होममा पु¥याएको र उपचारको क्रममा चारैजनाको मृत्यु भएको प्रहरी निरीक्षक कामतीले बताउनुभयो ।
प्रतिक्रिया