मानवीय भावनाको रङ्ग कस्तो हुन्छ त्यो कसैलाई पनि थाहा छैन तर यस प्रकारको रङ्गमा भने पक्कै निस्वार्थ परोपकारी भावना छ ।  भर्खरै नेपालमा गएको विनासकारी महाप्रलय भूकम्पले दिएको आँशुले नेपालीलाई मात्रै होइन बल्कि विश्वलाइ नै रुवायेकोछ ।

त्यस दुखाइमा समबेदनाको मल्हम बन्न इज़रायलमा कार्यरत फिलिपिनीहरुले राहत संकलनका लागि तेल अभिव शहरमा एक सांगीतिक कार्यक्रम गरे । फिलिपिन, इज़रायल र नेपालको राष्ट्रिय झण्डा नजिक सुन्दर क्यान्डलले नेपाल लेखिएको थियो । उक्त कार्यक्रममा नेपाल र फिलिपिनको राजदुत ज्यु हरुको पनि उपस्थिति रहेको थियो साथै राजदुताबास परिवारको पनि ।

भूकम्प पीडितका लागि राहत संकल गर्ने हेतु आयोजित उक्त कार्यक्रम गर्ने सम्पूर्ण फिलिपिनी टीममा हार्दिक हार्दिक कृतज्ञछौं । यस सदभाव र स्नेही पूर्ण भावनाले हामी बीच अझ सामिप्यता बढाएको छ ।