न्यूयोर्क – संघीय सांसद तथा राष्ट्रिय स्वतन्त्र पार्टी (RSP) की केन्द्रीय सदस्य डा. तोसिमा कार्कीको न्यूयोर्क आगमनमा आयोजित स्वागत कार्यक्रममा नेपाली समुदायको उल्लेखनीय सहभागिता देखिएको छ। कार्यक्रम स्थलमा अनुमानभन्दा धेरै सहभागीको उपस्थितिले आयोजक मात्र नभई डा. कार्की स्वयंलाई समेत चकित पारेको थियो।

पूर्व स्वास्थ्य राज्यमन्त्रीसमेत रहेकी डा. कार्की हाल अमेरिकाको भ्रमणमा छिन्। यसपटकको भ्रमणमा न्यूयोर्कमा आयोजित यो उनको पहिलो औपचारिक राजनीतिक सहभागिता हो। कार्यक्रममा बोल्दै डा. कार्कीले प्रवासी नेपाली समुदायले देखाएको साथ, उत्साह र राष्ट्रिय राजनीतिप्रतिको चासोप्रति आभार व्यक्त गरिन्।

उनको आगमनले न्यूयोर्कस्थित नेपाली समुदायमा उत्साहको वातावरण सिर्जना गरेको थियो। स्वागत समारोहमा सहभागी नेपालीहरूको ठूलो उपस्थितिले प्रवासीहरूमा RSP प्रतिको आकर्षण र समर्थन झल्किएको देखिएको छ।

सञ्चारकर्मी सञ्जोग आचार्यले यात्रा टिभीमा प्रतिक्रिया दिँदै भने, “डा. कार्कीको उपस्थितिले नेपाली समुदायमा नयाँ ऊर्जा थपिएको छ।

कार्यक्रमले प्रवासी नेपालीहरूको राष्ट्रिय राजनीतिप्रतिको चासो प्रस्ट पारेको छ।”