बुधबार, मंसिर १० २०७७
काठमाडौं २२:५८
वासिङटन डिसी 12:13

पुस्तक किनेर पढ्ने जमात बढ्दै

इनेप्लिज २०७२ वैशाख ११ गते २:४५ मा प्रकाशित

Book-pardasaniरत्ननगर (चितवन), ११ वैशाख । चितवनमा पुस्तक किनेर पढ्ने जमात बढ्दै गएको पाइएको छ । चलेका साहित्यकारभन्दा नदेखिएका पाठकले बढी पुस्तक किनेर पढ्ने गरेका छन् ।

केही वर्षअघिसम्म पुस्तक त्यसै दिए लैजाने चलनलाई चिर्दै चितवनमा अहिले भने किनेर पढ्ने बानीको विकास भएको चितवनका साहित्यकार पुष्प अधिकारी अञ्जली बताउनुहुन्छ ।

उहाँको अनुभवमा जिल्लामा अहिले पुस्तक किनेर पढ्नेको जमात करिव ६० प्रतिशत छ । साहित्यिक एकता भए नेपालमा चितवन साहित्यको उर्वर भूमिमा उत्कृष्ट हुने उहाँको ठम्याइ छ ।

चितवनका श्रष्टा अमर न्यौपानेको सेतो धरती र राधा पौडेलको खलङ्गामा हमला पुस्तकले लगातार मदन पुरस्कारसमेत प्राप्त गर्न सफल भएपछि जिल्लाको साहित्यमा थप ऊर्जा मिलेको साहित्यकार अञ्जलीको अनुभव छ ।

पुस्तक किन्ने बानी नभएकाले यहाँ हरेक साहित्यिक कार्यक्रममा समेत पुस्तक किनेर पढ्ने बानी बसालौ भनेर चर्चा गर्ने गरिएकाले पनि चेतना बढ्दो छ ।
जिल्लामा गजल फष्टाउँदो छ । वार्षिक दुई दर्जनभन्दा बढी कृति जिल्लाबाट प्रकाशित हुन्छन् । नियमित लेख्ने लेखकहरू ६० को हाराहारीमा छन् । अग्रजदेखि युवाको जिल्लामा कमी नभएको श्रष्टा लेखराम सापकोटाले बताउनुभयो ।

कहिलेकाही आकार पुस्तकको भएपनि अर्थहीन हुँदा समस्या पर्ने गरेको समालोचकहरू बताउँछन् । चितवनमा २०७१ सालमा धेरै पुस्तक निस्किएको उनीहरूको अनुभव छ ।

प्रतिक्रिया