मंगलबार, मंसिर ९ २०७७
काठमाडौं १८:१३
वासिङटन डिसी 07:28

विभिन्न ६४ केन्द्रबाट एसएलसीको उत्तरपुस्तिका परीक्षण

इनेप्लिज २०७२ वैशाख ७ गते १२:०४ मा प्रकाशित

slcकाठमाडौँ, ७ वैशाख । परीक्षा नियन्त्रण कार्यालय सानोठिमीले देशका विभिन्न ६४ वटा उत्तरपुस्तिका परीक्षण केन्द्रबाट एसएलसीको उत्तरपुस्तिका परीक्षण सुरु गरेको छ ।

गत चैत ५ गते सुरु भई १६ गते सकिएको एसएलसी परीक्षामा देशभरबाट पाँच लाख ७४ हजार ६८५ विद्यार्थी सहभागी भएका थिए ।

परीक्षा नियन्त्रक विष्णुबहादुर द्वारेका अनुसार आगामी असार १५ गते अगावै परीक्षाफल प्रकाशन गर्ने लक्ष्यका साथ परीक्षा नियन्त्रण कार्यालयसहित देशभरका विभिन्न ६४ वटा उत्तरपुस्तिका केन्द्रमा परीक्षण कार्यलाई तीव्र रुपमा बढाइएको छ ।

यातायातको सहजता तथा परीक्षकको उपलब्धताका आधारमा केन्द्र स्थापना गरिएको र परीक्षकहरुले केन्द्रमै गएर उत्तरपुस्तिका परीक्षण गर्नुपर्ने उहाँले जानकारी गराउनुभयो ।

उत्तरपुस्तिका परीक्षण कार्यलाई प्रभावकारी बनाउन केन्द्रहरुमा परीक्षा नियन्त्रण कार्यालयबाट अनुगमन टोली पनि परिचालन गरिएको छ ।

उत्तरपुस्तिका परीक्षणबापत गत वर्षसम्म प्रति उत्तरपुस्तिका रु १५ पारिश्रमिक उपलब्ध गराइएकामा यस वर्षदेखि उक्त पारिश्रमिक वृद्धि गरी रु २० बनाइएको छ ।

प्रतिक्रिया