शुक्रबार, मंसिर १२ २०७७
काठमाडौं ०६:१०
वासिङटन डिसी 19:25

पक्राउ परेका विद्यार्थीनेता रिहा

इनेप्लिज २०७२ वैशाख ७ गते १:१९ मा प्रकाशित

धनगढी, ७ वैशाख । शुल्क वृद्धि फिर्ता गर्नुपर्ने लगायतका माग राखी स्थानीय केही विद्यालयमा तोडफोड गरेको आरोपमा प्रहरीले आइतबार यहाँ दुईजनालाई नियन्त्रणमा लिई अपराह्न रिहा गरेको छ ।

धनगढीका पायोनियर र ज्ञान निकेतनमा तोडफोड गरेको भन्दै प्रहरीले अनेरास्ववियुका जिल्ला अध्यक्ष चुडामणि भट्ट र अखिल क्रान्तिकारीका वीरेन्द्र विकलाई नियन्त्रणमा लिनुपरेको जिल्ला प्रहरी कार्यालयले जनाएको छ ।

कैलालीका निजी तथा आवासीय विद्यालयमा विगत तीन वर्षदेखि पठनपाठनलगायतको शुल्क वृद्धि नभएको परिप्रेक्ष्यमा प्याब्सन र जिल्ला शिक्षा शुल्क निर्धारण समितिले चालु शैक्षिक सत्रदेखि शुल्क वृद्धि गर्नेसम्बन्धी निर्णय गरेको थियो । वार्षिक परीक्षा सकिएर आइतबारदेखि स्थानीय केही निजी विद्यालयमा पठनपाठन सञ्चालन भएको छ ।

प्रतिक्रिया