धनगढीका पायोनियर र ज्ञान निकेतनमा तोडफोड गरेको भन्दै प्रहरीले अनेरास्ववियुका जिल्ला अध्यक्ष चुडामणि भट्ट र अखिल क्रान्तिकारीका वीरेन्द्र विकलाई नियन्त्रणमा लिनुपरेको जिल्ला प्रहरी कार्यालयले जनाएको छ ।

कैलालीका निजी तथा आवासीय विद्यालयमा विगत तीन वर्षदेखि पठनपाठनलगायतको शुल्क वृद्धि नभएको परिप्रेक्ष्यमा प्याब्सन र जिल्ला शिक्षा शुल्क निर्धारण समितिले चालु शैक्षिक सत्रदेखि शुल्क वृद्धि गर्नेसम्बन्धी निर्णय गरेको थियो । वार्षिक परीक्षा सकिएर आइतबारदेखि स्थानीय केही निजी विद्यालयमा पठनपाठन सञ्चालन भएको छ ।