आर्थिक स्रोतको अभावमा समुदायको पहलमा मावि तह सञ्चालन भएको विद्यालय बन्द हुने अवस्था आएपछि विद्यालयमा कार्यरत ११ शिक्षकले रु एक लाख ४६ हजार सहयोग गरेका प्रअ तुलसी सुवेदीले जानकारी दिनुभयो ।

उहाँका अनुसार केही दिनअघि आयोजित कार्यक्रममा निजी स्रोतका शिक्षकको तलबभत्ताका लागि अभिभावकबाट थप रु तीन लाख ४२ हजार सहयोग प्राप्त भएको छ । विसं २०६९ देखि मावि तहको पठनपाठन सञ्चालन भएको उक्त विद्यालयका निजी स्रोतका छ शिक्षकको तलबका लागि वार्षिक रु नौ लाख खर्च हुँदै आएको छ ।

प्रावि तहमा दुई जना दरबन्दीका, दुई राहत र निमाविका एक जना राहत शिक्षक छन् । निजी स्रोतका छ जना शिक्षकका लागि चन्दा र अनुदानबाट तलबभत्ता जुटाउने गरिएको छ । विद्यालयमा २०० बालबालिका अध्ययनरत छन् ।