नेजाको सन् फ्रान्सिस्कोमा हुने कार्यक्रमको तयारी पुरा

सन् फ्रान्सिस्को,अमेरिका,अप्रिल ७ | यही बिहीवार नेपाल-अमेरिका पत्रकार संघ-नेजाले यहाँ आयोजना गर्न लागेको एनआरएन अमेरिकाको चुनावी बहस कार्यक्रमको सम्पूर्ण तयारी पुरा भएको छ | स्थानीय तहमा सन् फ्रान्सिस्कोमा पहिलोपटक यस्तो चुनावी बहस कार्यक्रम गर्न लागिएको आयोजक संस्था नेजाका अध्यक्ष गौतम दाहालले जानकारी दिनु भएको छ | कार्यक्रमको संयोजन गरिरहेका नेजाका क्षेत्रीय संयोजक जाङ्ग्बु शेर्पाका अनुसार व्यवस्थापनका अधिकांश कार्यहरु सम्पन्न भैसकेको छ भने यो कार्यक्रम अमेरिकाका विभिन्न शहरबाट संचालित नेपाली अनलाईन मिडियाले प्रत्यक्ष प्रसारण समेत गर्ने भएका छन् |
बिहीवार अपरान्ह ४ बजेदेखि कार्यक्रम सुरु हुनेछ | अमेरिकामा एनआरएनका सदस्य मध्ये दोश्रो सबैभन्दा बढी सदस्य भएको राज्य हो क्यालिफोर्निया | क्यालिफोर्निया राज्य अन्तर्गत सन् फ्रान्सिस्कोमा सबौभंदा बढी एनआरएन सदस्यहरु रहेका छन् | तसर्थ यही शहरमा हुन लागेको एनआरएन चुनावी बहस कार्यक्रममा सहभागी हुन अमेरिकाका अन्य राज्यबाट समेत उम्मेदवारहरु सन् फ्रान्सिस्को आउदैछन् |
क्षेत्रीय स्तरको यो चुनावी बहस कार्यक्रममा सहभागी हुन अध्यक्षका ६ प्रत्यासी मध्ये पांच जना सन् फ्रान्सिस्कोमा भेला हुदैछन् | नेजाका अध्यक्ष दाहालका अनुसार अध्यक्षका प्रत्यासीहरु मध्ये रमा सिंह,नगेन्द्र पौडेल,डाक्टर केशव पौडेल,श्री पराजुली र दुर्गा दाहालले नेजाको आमन्त्रण स्वीकार गरेर जानकारी समेत दिईसकेका छन् |
कार्यक्रममा नेजाका अध्यक्ष गौतम दाहाल बाल्टिमोरबाट आउने जानकारी संयोजक शेर्पाले दिएका छन् | यसैगरी लस एञ्जलसमा रहेका नेजाका सचिव सुदीप पन्त र कार्यकारी सदस्य अग्नी चौलागाई पनि सन् फ्रान्सिस्को आउदै छन् | सन् फ्रान्सिको कार्यक्रमका लागि नेजाका क्षेत्रीय संयोजक शेर्पालाई नेजाकै अर्का सक्रिय सदस्य हरिहर दाहालले सहयोग गरेका छन् |
सन् फ्रान्सिस्को कार्यक्रम :
मिति: अप्रिल ९,२०१५ बिहीवार
समय: ठीक ४:०० बजे
स्थान : ओम मण्डला
420 Ellis street San Francisco 94102
संयोजक
जाङ्बु शेर्पा-४०८-४८०-६८०२
सम्पर्क:
गौतम दाहाल : ४१०-९०८ -८७४४
सुदिप पन्त : ५६२ -५९५ -२७६८
अग्नी चौलगाइ: ३१० -९२० -८८८६
हरिहर दाहाल: ६५० -४८३ -९१२७