शनिबार, मंसिर २० २०७७
काठमाडौं ०७:३१
वासिङटन डिसी 20:46

स्काइ प्रो प्रविधिको इन्टरनेट नछोड्दा सेवाग्राही मर्कामा

इनेप्लिज २०७१ चैत २५ गते ३:२२ मा प्रकाशित

cdma-3Gजाजरकोट, २५ चैत । जाजरकोटको पूर्वी क्षेत्रमा रहेका १५ गाविसका स्थानीय इन्टरनेट नहुँदा मर्कामा परेका छन् ।

नेपाल टेलिकमको स्काइ प्रो प्रविधिको इन्टरनेट सेवा बन्द गर्दा यहाँका स्थानीय मर्कामा परेका हुन् । यहाँका करिब ३०० विद्यालय, दर्जनभन्दा बढी मनिटान्सफर आइएमई, सञ्चारकर्मीलाई इन्टरनेट नहुँदा समस्यामा परेका हुन् ।

नेपाल टेलिकमले जिल्लाका सबै ठाउँमा यो प्रविधि जडान गरे पनि सञ्चालनमा नल्याउँदा सेवाग्राही मर्कामा परेका हुन् । इन्टरनेट नहुँदा सामान्य कामका लागि पनि सदरमुकाम आएर हजारौँ खर्च गर्नुपर्ने त्रिभुवन उच्च मावि खगेनकोटका प्राचार्य नारायणबहादुर सिंहले बताउनुभयो ।

यो क्षेत्रमा स्काइ प्रविधिको फोन सेवा मात्र सञ्चालनमा रहेको छ । नेपाल टेलिकम जाजरकोटका प्रमुख हरिजंग शाहले स्काइ प्रो इन्टरनेटका लागि क्षेत्रीय कार्यालय नेपालगन्जले काम गर्नुपर्ने बताउनुभयो ।

प्रतिक्रिया