पचहत्तर प्रतिशत हाजिर नपुगेका, राजस्व नतिर्ने ती विद्यार्थी परीक्षा दिनबाट वञ्चित हुने भएका हुन् ।

शिक्षा कार्यालयका अनुसार अभिभावक र स्वयम् विद्यार्थीको लापर्बाहीका कारण उनीहरु परीक्षा दिनबाट वञ्चित भएका हुन् । शिक्षा नियमावलीअनुसार ७५ प्रतिशत हाजिर नपुगेका विद्यार्थीलाई परीक्षामा सामेल नगराउने भन्ने विषयले गर्दा धेरै विद्यार्थी परीक्षाबाट वञ्चित हुनुपरेको जिशिका परीक्षा फाँटका अम्बिकाप्रसाद खनालले बताउनुभयो ।

प्रवेशिकामा इलामका छ हजार ९८२ विद्यार्थी सामेल हुने भएका छन् । एक्जाम्जेटेडतर्फ तीन हजार १८९ र नियमिततर्फ तीन हजार ७९३ जना रहेका छन् । यस्तै खुल्लातर्फ ७५ जना नियमित र १३ जना एक्जाम्टेडले परीक्षा दिने जिशिकाले जानकारी दिएको छ ।

यस वर्ष एसएसली परीक्षाका लागि ३० वटा परीक्षा केन्द्र निर्धारण गरिएको जिशिकाले जनाएको छ । केन्द्र निर्धारण गरिए पनि केन्द्राध्यक्ष भने नियुक्ति भइनसकेको बताइएको छ ।