केराबारी गाविस–८ भीरसिङका ५६ वर्षका वीरबहादुर गुरुङलाई बालिका बलात्कार गरेको आरोपमा इलाका प्रहरी कार्यालय जौवारीले नियन्त्रणमा लिएको हो ।

गत फागुन १६ गते ललाइफकाई बालिकालाई बलात्कार गरेको उजुरीको आधारमा प्रहरीले बुधबार गुरुङलाई पक्राउ गरेको प्रहरी निरीक्षक दीपक श्रेष्ठले जानकारी दिनुभयो ।

बालिकाको परिवारको उजुरीको आधारमा गुरुङलाई पक्राउ गरेको प्रहरीको भनाइ छ । बालिकाको परिवारले मङ्गलबार मात्रै घटनाबारे प्रहरीलाई खबर गरेको थियो ।

जिल्ला अदालत गोरखाबाट आज १० दिनको म्याद लिएर यसबारे थप अनुसन्धान थालेको प्रहरी निरीक्षक श्रेष्ठले जानकारी दिनुभयो ।