प्रहरीले सवारीसाधनमाथि आकस्मिक चेकजाँच गर्ने क्रममा तरहराबाट विराटनगरतर्फ गइरहेको को १ च ४११३ नम्बरको कारबाट प्रहरीले उक्त गाँजा बरामद गरेको हो ।

सो कारमा लुकाइछिपाई विराटनगरतर्फ लाँदै गरेको अवस्थामा उक्त गाँजा बरामद गरिएको जिल्ला प्रहरी कार्यालय मोरङका प्रहरी नायब उपरीक्षक जगन्नाथ गौतमले बताउनुभयो ।

उक्त गाँजासँगै कार चालक सुनसरी, तरहरा–४ का ४७ वर्षीय मीनबहादुर गुरुङ र धरान–३ का २६ वर्षीया कमला बोगटीलाई पक्राउ गरी अनुसन्धान सुरु गरिएको प्रहरी नायब उपरीक्षक गौतमले जानकारी दिनुभयो ।

प्रहरीको प्रारम्भिक अनुसन्धान अनुसार मोरङ, कटहरी–२ का २२ वर्षीय नीरज सिंहले पक्राउ परेकी बोगटीलाई उक्त गाँजा ल्याइदिनु भनेका थिए । गाँजा मगाउने सिंहलाई पनि पक्राउ गरिएको गौतमले जानकारी दिनुभयो ।