मंगलबार, कार्तिक ११ २०७७
काठमाडौं २०:०३
वासिङटन डिसी 10:18

अदुवा प्रशोधन केन्द्र सञ्चालनमा आएन

इनेप्लिज २०७१ फागुन २० गते ४:०१ मा प्रकाशित

ADADLILAइलाम, २० फागुन । नेपाल विद्युत् प्राधिकरणले विद्युत् नजोडिदिँदा निर्माण सम्पन्न भएको एक वर्ष बित्दा पनि सूर्योदय नगरपालिका–४ पञ्चकन्यामा निर्मित अदुवा प्रशोधन केन्द्र सञ्चालनमा आउन सकेको छैन ।

केन्द्रको भवनसहित प्रशोधनका लागि आवश्यक सम्पूर्ण सामग्री जडान भइसके पनि प्राधिकरणले बिजुली नजोडिदिँदा केन्द्र सञ्चालन हुन नसकेको हो ।

स्थानीय जनहित कृषि सहकारी संस्थाको मातहतमा सञ्चालन हुने उक्त केन्द्रमा प्राधिकरणले थ्री फेजको लाइन नजोड्दा केन्द्र सञ्चालन हुन नसकेको संस्थाका अध्यक्ष गोपाल भट्टराईले बताउनुभयो । केन्द्रमा बिजुली जोड्नका लागि आवश्यक प्रक्रिया पु¥याएर प्राधिकरणमा माग गरे पनि सुनुवाइ नभएको गुनासो उहाँको छ ।

जिल्लाकै पहिलो अदुवा प्रशोधन केन्द्रका रुपमा स्थापना भएको केन्द्र सञ्चालनमा ल्याएर अदुवाबाट सुठो बनाएर बिक्री गर्ने किसानको लक्ष्य छ । केन्द्र स्थापनाका लागि कृषि मन्त्रालयअन्तर्गत पोष्ट हार्भेष्टले रु २७ लाख ५० हजार, कमर्सियल एग्रिकल्चर एसोसिएसन (सिएए) ले रु ११ लाख ५० हजार र सहकारीले रु १५ लाख लगानी गरेको थियो ।

प्रतिघन्टा ७५ अदुवा प्रशोधन गर्ने क्षमता रहेको केन्द्रमा गोदक र नामसालिङबाट अदुवा आउने संस्थाले जनाएको छ । उत्पादित सुठो इलामका विभिन्न बजारसहित झापा, मोरङलगायतका ठाउ“मा निकासी गर्ने योजना रहे पनि केन्द्र सञ्चालन नभएकाले निरास बन्नुपरेको सञ्चालक भट्टराई बताउनुहुन्छ ।

प्रतिक्रिया