बिहीबार, कार्तिक ६ २०७७
काठमाडौं १७:३०
वासिङटन डिसी 07:45

मानवीय कारणले ९९ प्रतिशत वन डढेलो

इनेप्लिज २०७१ फागुन १९ गते ६:२५ मा प्रकाशित

forest-fire-300x224रत्ननगर (चितवन) १९ फागुन । नेपालमा मानवीय कारण ९९ प्रतिशत वन डढेलो लाग्ने गरिएको छ ।

वन डढेलोसम्बन्धी अध्येता तथा जानकार दुर्गाबहादुर कार्कीले नेपालमा वन डढेलो मानवीय कारणले हुने गरेको दाबी गर्नुभयो ।

एकप्रतिशत मात्रै प्राकृतिक कारणले डढेलो लाग्ने उहाँको दाबी छ । अहिले डढेलो लाग्ने मौसम सुरु हुन लागेकाले उहाँ विभिन्न जिल्लामा प्रशिक्षण अभियानमा लाग्नुभएको छ । वन अधिकृतसमेत रहनुभएका कार्कीले विदेशमा भने प्राकृतिक कारणले ५० प्रतिशत डढेलो लाग्ने गरेको तथ्याङ्क रहेको जानकारी दिनुभयो ।

नेपालको समथल क्षेत्रमा १७ प्रतिशत र पहाडी क्षेत्रमा ८३ प्रतिशत वन रहेकाले डढेलोको उच्च जोखिम पहाडी क्षेत्रको वन रहेको कार्कीको दाबी छ । भिरालो जमिनमा वन डढेलो बढी फैलने भएकाले नियन्त्रणका उपायसमेत सावधानीपूर्वक गर्नुपर्नेमा उहाँले जोड दिनुभयो ।

उहाँ विगत देखिनै वन डढेलोसम्बन्धी सुक्ष्मरुपमा अध्ययन गर्दै आउनुभएको छ । नेपालमा डढेलोको कारण र नियन्त्रणका उपाय विषयमा उहाँले पुस्तकसमेत लेख्नुभएको छ ।

सार्वजनिक तथ्याङ्कअनुसार वन्यजन्तु तथा चराचुरुङ्गीको शिकार, जग्गा अतिक्रमण, रिसिइवी, घाँस पलाउने चाहना, मल लाग्ने परम्परा, खोरिया फाँड्न, चोरी तस्करीको दसी लुकाउन मानिसले वन डढेलो लगाउने गरेको पाइएको छ ।

प्रतिक्रिया