आइतबार, कार्तिक ९ २०७७
काठमाडौं ११:५८
वासिङटन डिसी 02:13

धराने नेवारद्वारा रक्तदानमा नयाँ कीर्तिमान

इनेप्लिज २०७१ फागुन १७ गते १४:२२ मा प्रकाशित

20-donating-bloodइटहरी, १७ फागुन । नेवार एकता समाज धरानले पूर्वाञ्चलमै पहिलोपटक रक्तदानको नयाँ कीर्तिमान स्थापित गरेको छ ।

समाज सेवामा जोड दिँदै आएको यो समाजले भानुचोकको लोकतान्त्रिक चौतारी नजिक आयोजना गरेको रक्तदान कार्यक्रममा ५५८ जनाले रक्तदान गरेर पूर्वाञ्चलमै नयाँ कीर्तिमान स्थापित गरेको हो ।

पूर्व क्षेत्रीय प्रहरी नायब महानिरीक्षक माधवप्रसाद जोशीको प्रमुख आतिथ्यतामा भएको रक्तदान कार्यक्रममा सर्वसाधारण मानिसलाई आपत् पर्दा आवश्यक पर्ने रगत निःशुल्क उपलब्ध गराउने पवित्र उद्देश्य राखेर समाजले रक्तदान कार्यक्रम आयोजना गरेको हो ।

बिपी कोइराला स्वास्थ्य विज्ञान प्रतिष्ठान, नोबेल मेडिकल कलेज, कोसी अञ्चल अस्पताल तथा अरु एक दर्जनभन्दा बढी निजी सञ्चालनमा रहेका अस्पतालमा आउने बिरामी तथा घाइतेको उपचारमा सघाउने समाजको उद्देश्य रहेको छ ।

प्रतिक्रिया