मंगलबार, कार्तिक ११ २०७७
काठमाडौं ०२:५५
वासिङटन डिसी 17:10

बाघको छाला र आखेटोपहारमा संलग्न एक भारतीय पनि पक्राउ

इनेप्लिज २०७१ फागुन १७ गते २:१० मा प्रकाशित

tiger-chala-found-in-nijgadh-bara-nepal-newsभीमदत्तनगर, १७ फागुन । प्रहरी अनुसन्धान टोलीले शनिबार एकाबिहानै बाघको छाला र आखेटोपहारसहित दुई नेपालीलाई पक्राउ गरेको केही घन्टा नबित्दै सोही तस्करीमा संलग्न थप एक भारतीय नागरिकलाई पक्राउ गरेको छ ।

सुदूरपश्चिम क्षेत्रीय प्रहरी कार्यालयबाट खटिएको प्रहरीको अनुसन्धान टोलीले कञ्चनपुरको पुनर्बास नगरपालिका–८ माछापुछे« टोलीका ३१ वर्षीय खड्कबहादुर खड्का र पुनर्बास–१० त्रिभुवनबस्तीका ३२ वर्षीय रामबहादुर रोकायालाई पक्राउ गरेको थियो ।

भारतको सम्पूर्णानगरबाट बाघको छाला र आखेटोपहार पुनर्बास पु¥याएर भाग्दै गरेका भारतीय नागरिक बन्स रानालाई अनुसन्धान टोलीले केही घन्टाभित्रै पक्राउ गर्न सफल भएको सुदूरपश्चिम क्षेत्रीय अनुसन्धान टोलीका संयोजक प्रहरी नायब निरीक्षक वीरेन्द्र जोहारीले बताउनुभयो ।

उहाँका अनुसार भारतबाट उक्त सामान ल्याउने तीन अभियुक्त अझै फरार छन् । उनीहरुबाट टोलीले नौ फिल लामो र २१ किलो आखेटोपहार पक्राउ नियन्त्रणमा लिएको छ । प्रहरीले आइतबार अभियुक्त र बरामद गरिएको छाला र आखेटोपहार थप कारबाहीका लागि जिल्ला वन कार्यालय कञ्चनपुरलाई बुझाउने जनाएको छ ।

उनीहरुलाई राष्ट्रिय निुकञ्ज तथा वन्यजन्तु संरक्षण ऐन, २०२९ बमोजिम कारबाही गरिने जिल्ला वन कार्यालयका वन अधिकृत पशुपति कोइरालाले जानकारी दिनुभयो ।
प्रहरीको सोही अनुसन्धान टोलीले केही महिनाअघि पनि कञ्चनपुरको बेलौरी र दोधारा चादँनीबाट बाघको छाला र अखेटोपहारसहित दुई भारतीय नागरिकलाई पक्राउ गरी कारबाहीको दायरामा ल्याइसकेको छ ।

प्रतिक्रिया