रु साठी हजार नगद र श्रमदान गरी रु एक लाखको लागतमा सार्वजनिक शौचालय निर्माण गरिएको गुल्मपति सुरेश थापाले बताउनुभयो । शुक्ला गण्डकी नपा–५ स्थित स्थानथोकमा सो शौचालय निर्माण भएपछि कोटभैरवी मन्दिरमा दर्शन गर्न आउने दर्शनार्थी र पिकनिकमा आउने आन्तरिक पर्यटकलाई सुविधा पुगेको बताइएको छ ।

यसअघि उक्त ठाउँमा सार्वजनिक शौचालय नहुँदा पर्यटकीय नगरी दगाम भ्रमणमा आउने आन्तरिक एवम् बाह्य पर्यटकले निकै सास्ती खेप्नु परेको थियो । यसैबीच केवलजङ्ग गुल्मले अपाङ्गता भएका व्यक्तिका लागि १५ वटा सेतो छडीसमेत वितरण गरेको छ । विश्व अपाङ्गताका दिवसका बेला दृष्टिविहीनका लागि सेतो छडी वितरण गरिएको गुल्मपति थापाले जानकारी दिनुभयो ।